Fossvogssund II – 1 km

Það voru liðnir 6 dagar síðan ég byrjaði í sjósundi, svo mér fannst alveg kominn tími á að spreyta mig í Fossvogssundinu. Ég skráði mig og lagði af stað. En það var dálítil alda og vindurinn blés beint í andlitið á mér. Ég varð andstutt og þó ég reyndi að slaka á þá náði ég ekki að dýpka andardráttinn. Þegar ég var um það bil hálfnuð yfir, þá lét ég pikka mig upp í bát og skila mér í land.

Æfing fyrir sundið út í Viðey – 1 km

Ég var ákveðin í að prófa að synda frá Viðey og í land, 15 dögum eftir að ég byrjaði í sjósundi. En þar sem Fossvogssundið hjá mér klikkaði, þá þurfti ég að æfa mig í sundi sem samsvaraði Fossvogssundinu. Ég synti í átt að kaðli í Nauthólsvík, kynntist á leiðinni Eddu Björk Hafstað og ræddi alveg helling við hana. Sjórinn var sléttur og töfrandi og við bara gleymdum okkur. Ég var 48 mínútur í sjónum.

Fossvogssund II – 1 km

Ég kynntist Ingibjörgu vinkonu minni í Nauthólsvík ca. viku fyrir þetta sund. Við höfðum vitað af hvor annarri þegar við vorum táningar en þekktumst ekkert. Hún var ekkert á leið í sjóinn og hafði aldrei látið sér detta það í hug. En við spjölluðum svo mikið að hún var komin í sjóinn áður en hún vissi af. Og líkt og ég, þá skellti hún sér í Fossvogssund ca. viku eftir að hún fór fyrst í sjóinn. Ég var stolt af því að við Ingibjörg náðum mesta tímanum af 82 sundmönnum. Við vorum 45 mínútur að synda þetta.

Synt út í Viðey – 1,8 km

Ingibjörg ætlaði bara að synda aðra leiðina, en ég plataði hana til þess að byrja við Skarfaklett svo við ættum möguleika á að spreyta okkur á að fara fram og til baka. Við fórum létt með það og komum í land á mesta tímanum sem voru 80 mínútur. Ég held að það met hafi ekki verið slegið fyrr en árið 2023 af Birki nokkrum.

Helgasund á Akranesi – 900 m

Þetta var fyrsta Helgasundið mitt. Veðrið var gott og mér þóttu móttökurnar ekki slæmar að sundi loknu, þar sem ljósmæður tóku á móti okkur þegar við komum í land og buðu upp á heitt kakó með rjóma.

Opna íslandsmótið í Víðavatnssundi án galla – 3 km

Ég tók þátt í Íslandsmóti í sjósundi og synti 3 km á 1:34:14
Þó mér finnist þetta besti tíminn þá endurspeglar það ekki álit þjóðarinnar
Ég lenti í 3. sæti, en ástæðan fyrir því er líklega sú að ég var ekki ein að keppa í mínum flokki!
úrslit 

Fossvogssund II – 1 km

Við Ingibjörg syntum saman í blíðskaparveðri með nýju fínu blöðkurnar okkar.

2 km sund

Synti með Ingibjörgu og Magnúsi.

Sundinu “Synt út í Viðey” var aflýst vegna veðurs

Það voru okkur Ingibjörgu mjög mikil vonbrigði, en við bættum það upp með því að taka 1,6 km sund í Fossvoginum í staðinn.

Boðsund til forsetans

Hér eru myndir sem pabbi tók. Á Bessastöðum var vel tekið á móti okkur. Fyrst skelltum við okkur í volgt bað í fiskikörum fyrir utan Bessastaði. Og að baði loknu var okkur boðið upp á heitt súkkulaði og bakkelsi.

Synti 2 km með Ingibjörg og John . . . og einum sel

Sjósund með Ingibjörgu og John í rúmlega 11° heitum sjónum. Síðustu 100 metrana fengum við fylgd. Það var selur sem elti okkur og þegar bilið var minnst á milli okkar og hans, þá var það ca. 3 metrar!
Á einum tímapunkti tókum við John nokkur skriðsundstök og þá sá Ingibjörg hvernig selurinn reyndi að herma eftir hreyfingum okkar.
– Hér var ég enn að synda með gifsi á fætinum.

Davíðsgjá í Þingvallavatni – 15 mín í 2°

Næstum sól og næstum logn við Þingvallavatn í dag. Sjö saman fórum við og syntum þarna í fallegri gjá og nutum lognsins sem fór hratt yfir vatnið
Ég var með laxapoka en ekki fengum við þó neinn lax í þetta sinn. Við syntum í 15 mínútur. Þó það sé sumar, þá er vatnið í Davíðsgjá um 2°
Með Ingibjörgu og John.

Opna íslandsmótið í víðavatnssundi án galla – 1 km

Við Ingibjörg Ingvadóttir tókum þátt í íslandsmóti í víðavatnssundi í dag. Við syntum þetta á þægilegum blaðurhraða og nutum þess í botn. Önnur okkar hreppti gull þar sem hún keppti í flokki 50 til 99 ára. En við komum í mark á sama tíma!
úrslit

Davíðsgjá í Þingvallavatni – 10 mín. í 2°

Með Ingibjörg Ingvadóttir, Heiða Mjöll Stefánsdóttir, John Tómasson og Sunna.
Albúm.

Yfir Fossvoginn í 6,5° heitum sjónum – 870 m

Við syntum frá Kópavogi til Reykjavíkur á háflóði. Í lokin urðum við að grípa skriðsundið því það var farið að bæta aðeins í vindinn.

Synt yfir Fossvoginn – 655 m

Synti með Ingibjörgu, Magnúsi, John og Tedda.

Synt út að dælustöðinni – 2,4 km

Strava.

Synt frá smábátahöfninni í Kópavogi yfir í Nauthólsvík – 1,9 km

Við John syntum þetta saman. Ég hafði gleymt sundhettunni, en lét það ekki á mig fá og synti hettulaus.
Strava.

Synt inn að flaki – 2,3 km

Alltaf ævintýralegt að synda inn að flaki (togarinn Íslendingur RE 120).
Strava.

Synt inn að flaki – 2,2 km

Flakið er innarlega í Fossvoginum.
Strava.

Synt inn að flaki – 2,4 km

Flakið er eitt af uppáhalds sundunum okkar.
Strava.

Synt hring í Fossvoginum án blaðka – 3,3 km

Synti með Ingibjörgu, Ernu, John, Kristni og Magnúsi. Við gæddum okkur á orkugeli fyrir sund og tókum með okkur orkudrykki.
Strava.

Opna íslandsmótið í víðavatnssundi án galla – 5 km

Ég varð íslandsmeistari í 5km sjósundi árið 2019 og hef því öðlast keppnisrétt á opnum sundmótum erlendis! Þetta mun ég setja í ferilskrána mína
Ég synti 5 km á 2:38:52 sem er ansi góóóður tími.
Það var gott að finna umhyggju vina sem mættu á svæðið fyrir sundið til að aðstoða okkur og þegar og eftir að sundinu lauk.
úrslit – 1. sæti í mínum flokki.
Strava.

Swim Run – 3,3 km

Litla þríþrautin okkar í dag, ca. 700 metra sund, ca. 1.7km hlaup (á hraða eldri borgara) og að lokum ca. 900 metra sund 
Með John og Alla.

Synti ein yfir Fossvoginn – 1,4 km

Skrímslaæfing fyrir boðsund yfir Ermarsundið með Sæljónunum. Mér fannst ég þurfa að æfa mig eitthvað fyrir boðsundið yfir Ermarsundið með Sæljónunum.

Brimketill – sundið sem ekki átti að synda

Við gátum ekki ekki gert þetta . . . sagði John!

Æfing í Calais í Frakklandi – Sæljónin

Synt í Calais í Frakklandi og ný tegund af marglyttu í fjörunni #Sæljónin

Swim run – Synt yfir Kollafjörðinn – 800 m

Skemmtilegur hringur með John og Þulu 😊 Við byrjuðum á skokki fyrir Kollafjörðinn sem endaði í klettaklifri í fjörunni sunnanmegin og að lokum syntum við svo yfir Kollafjörðinn til að sækja bílinn 😁

Útskrifuð af skriðsundsnámskeiði

Útskrifuð af skriðsundsnámskeiði:
Rólegt skriðsund 2 * 25 á 1:12
Meðalhratt skriðsund 2 * 25 á 0:57
Hratt skriðsund 2 * 25 á 0:45

Sundið sem aldrei var synt

Við fórum að Skarfakletti í rauðri viðvörun en hættum við að synda. Það var gott að finna að við höfum okkar takmörk.

Sund

Þorláksmessusund Breiðabliks – 1,5 km pace 2:15 (án blaðka).

Synt undir ís

Morgunsund gefur gull í mund. Ég fékk símtal upp úr kl. 11 í morgun og sló til. Þetta var hressandi og endurnærandi 
John og félagar voru búnir að undirbúa allt þegar ég kom og með öryggisatriðin á hreinu . . . takk fyrir mig 

Gul viðvörun

Synti með Ingibjörgu, Magnúsi, Laufeyju og Heiðu Mjöll.

Synt í Hvítá

Við syntum nokkur saman niður Hvítá. Magnea Hilmarsdóttir, Sölvi Levi Petursson, John Tómasson, Agnieszka Nar-Czu og Húni Húnfjörð.

Áheitasund fyrir Heimi og börn – 6,95 km

Fyrra sundið – 1/2 klst.  með blöðkum 1,450 km, pace 2:00
Seinna sundið – 2 klst. með blöðkum 5,5 km, pace 2:00
Seinna sundið synti ég frá kl. 3 til kl. 5 um nóttina.

Ég vil þakka einstökum sjósundsfélögum mínum með Erna Héðins í fararbroddi, og ykkur öllum sem tókuð þátt með einum eða öðrum hætti, fyrir að standa fyrir þessu áheitasundi fyrir Heimi bróðir og börnin hans eftir að hann greindist með 4. stigs lungnakrabbamein rétt fyrir jólin 2019

Heimir barðist hetjulega við þennan hörmulega sjúkdóm með aðstoð sinna nánustu. Hans nánustu voru ansi margir því Heimir hafði alla tíð haldið vel um sína nánustu og teygði arma sína mun lengra en flestir sem ég þekki

Í byrjun desember 2022 var Heimir fluttur á líknardeild eftir að hafa legið á krabbameinsdeildinni í um 2 vikur. Hann fór heim um jólin og var þar umvafinn ástvinum sínum. Þar var hann þegar hann kvaddi þenna heim

Ég veit að Heimir mun lifa áfram í hjörtum okkar allra sem þekktum hann

Synt undir ís

Gott fyrir svefninn.

Bjarnagjá – kafað undir yfirborðið.

Við vorum 7 saman sem fórum að leika okkur í Bjarnagjá í dag.
Birna, Björn Ægir, Erna, Magnea, Magnús og Valdi.

Gallasund 2,2 km

Synti með John og Valda.

Gallasund – 2 km

Synti með Ernu og John.

Sund

Ekki gallalaus sundæfing með gölluðu liði. En besta gallaæfing til þessa og ég held að ég, gallin og öldurnar séum alveg að ná að semja um samvinnu.
Hversu mikil snilld er að geta haldið áfram að synda í stærstu sundlauginni þegar allt annað er lokað.

Gallasund frá Bessastöðum yfir í Nauthólsvík – 2,6 km. 

Smábrot af sundferðinni frá Bessastöðum yfir í Nauthólsvík sumardaginn fyrsta. Þarna erum við stödd mitt á milli Álftaness og Kársness og Alli löngu horfinn! Stuttu seinna fékk Valdi krampa og dróst aftur úr og John fór að synda hraðar svo bilið milli okkar allra varð fljótt um 50 til 100 metrar. Þegar við byrjuðum að synda inn Fossvoginn fór ég að finna fyrir straumi út voginn og allt í einu fór að verða erfiðara að halda stefnu. Ég leitaði mjög til hægri og þurfti stöðugt að vera að leiðrétta stefnuna. Sundgleraugun láku og ég sá ekki vel hvar ég var svo ég tók smástund í að finna kennileiti sem ég gæti fylgst með í hverju sundtaki án þess að trufla sundið. Ég valdi 2 byggingakrana og hélt betur stefnu eftir það. Takk fyrir frábært sund ☺

Gallasund inn að flaki – 2 km

Synti með Alla, Ernu og Valda.

Synt út að dælustöð – 2,3 km

Synti með Ernu, Magnúsi, Alla og Valda.

Synt út að Sólfari – 500 m

Gekk með Ernu og Magnúsi frá Sólfarinu að Hörpunni og syntum til baka.

Gallasund inn að flaki – 1,9 km

Synti með John, Ernu og Magnúsi. Magnús fékk krampa í annan fótinn og varð svo óglatt og ældi . . . og ældi 🤮, en var annars bara góður 🙉

Synt með hvölum við Hjalteyri í Eyjafirði

Hér er smá brot af skemmtun helgarinnar þar sem við syntum með hvölum við Hjalteyri í Eyjafirði.
John var með dróna og tók svona skemmtilegt videó þar sem við sigldum í veg fyrir hnúfubak og stukkum út í sjóinn. Þetta bleika sem er fyrir utan bátinn eftir að við fórum út í er yfirhöfnin hennar Ernu, en hún þvældist óvart með í sjóinn og þótti nokkuð erfitt að ná henni upp aftur því hún var orðin svo þung 🙂 Þessi helgi var alveg hreint ótrúleg! Með Erna Héðins, Guðmundur Skúli Þorgeirsson, Kolbrún Elma Schmidt, Davið Sölvason og John Tómasson

Gallasund – 3 km

Synti með Ernu, John og Magnúsi. Við syntum frá Ylströndinni í Garðabæ yfir á Bessastaðanes og til baka.

Synt inn að flaki – 2,2 km

Synti með Ingibjörgu, Magnúsi, Birni, Birnu, Skúla, Laufeyju og Tobbu.

Synt út að dælustöð og aðeins lengra – 2,7 km

Gott sund með Ingibjörgu, Laufeyju, Birnu og Tobbu.

Synt inn að flaki – 2,3 km

Synti með Ingibjörgu og Ernu.

Synt inn að flaki – 2,1 km

Synt inn að flaki.

Synt í 8 yfir Fossvoginn – 2,6 km

Synti með Alla og Magnúsi.

Helgasund – 900 m

Helgasundið er orðið að hefð hjá mér.

Formlegt Viðeyjarsund – 4,4 km

Ég synti með Ingibjörgu, Magnúsi og Alla.

Sjávarhiti 11°
* Formlegt sund miðast við að vera aðeins í venjulegum sundfötum með hettu og gleraugu, engar blöðkur eða annar búnaður.

Formlegt Drangeyjarsund – 6,6 km (synti hálfa leið)

DRANGEYJARSUND 3. ÁGÚST 2020 Ég vaknaði kl. 6:00 um morguninn til þess að gera mig klára í Drangeyjarsund. Við vorum þrjú sem lögðumst til sunds kl. 8:32 og var ætlun mín að synda 6,6 km á ca. 3 klst. og 30 mínútum. Við fengum Drangeyjarferju og tvo mótorbáta frá þeim til þess að fylgja okkur og vorum líka með aðstoðarmenn með okkur. Með mér voru Heimir bróðir, pabbi minn, Einar vinur minn fyrrum skipstjóri og Viggó skipsjóri Drangeyjarferjunnar. Þetta endaði með því að ég synti 1/2 Drangeyjarsund og var rúmar 2 klst. í sjónum. Það er hægt að draga mikinn lærdóm af þessu sundi sem fer í reynslubankann minn! Í farteski mínu var ég með eitt á hreinu sem ég segi oft við þá sem eru að byrja að stunda sjósund. “Þú þarft kjark til að hætta sundi en minni kjark til að klára sund.” Þetta hef ég alltaf haft að leiðarljósi í sjósundi. Við fáum allskyns einkenni sem segja okkur hvenær við eigum að stoppa: Þegar ég er orðin köld þá fæ ég oft hökuskjálfta og verð þvoglumælt, stundum smá sjóntruflanir og fingur dofna þannig að litli fingur fer að fjarlægjast hina fingurna. Þegar ég fæ hökuskjálfta eða sjóntruflanir, þá fer ég skilyrðislaust í land og hef aldrei lent í basli. Þetta með litla fingur virðist ekki skipta eins miklu máli, en er þó einkenni sem kemur þegar ég byrja að kólna. Hættulegra er þó þegar við fáum EKKI þau einkenni sem segja okkur hvenær við eigum að stoppa: Mér er minnisstætt eitt tilfelli þar sem ég var ekki að synda langt né lengi og fékk enga viðvörun. Þá kom það í ljós 5 mínútum eftir að ég kom upp úr að ég hafði gengið nærri mér og það tók mig 5 mínútur að ná mér það góðri að ég gæti farið í pottinn. Hingað til hef ég bara orðið vitni að því að fólk lendi í basli EFTIR að það kemur upp úr sjónum. En nú er ég komin með það í reynslubankann að hitt getur líka gerst! Í gær var sjórinn um 8,7° og Drangey reis tignarleg úr hafinu ásamt Kerlingu og kvikan var nokkur í sjónum þó veðrið væri gott og lítill vindur. Okkur var skutlað í land þar sem Drangeyjarsund á að hefjast og lögðum galvösk af stað. Það eru forréttindi að fá að synda á slíkum stað. Útsýnið var dásamlegt og pínulítið ógnvænlegt. Ég synti yfir þarabreiðu sem leit út eins og mörg andlit væru að fylgjast með mér. Þetta voru þykkblöðungar með hvít augu . . . kannski smá ímyndun, en skemmtileg 🙂 Ég hitti heilan haug af brennihveljum, en það hef ég aldrei gert áður. Ég hef séð þær, en núna snerti ég þær og fann angana strjúkast um mig alla, frá toppi til táar. Í fyrstu var ég dálítið hvumpin þegar ég synti í fangið á þeim, en þegar ég var búin að synda í svona korter, þá fór mér að standa meira á sama. Ég sá eina mjög fallega sem var eins og appelsínugult blóm fyrir neðan mig. Annars litu þær flestar út eins og samanvöðlaður klósettpappír. Þræðirnir út frá þeim geta orðið allt að 30 metra langir. Brennihveljur stinga með öngunum og sprauta eitri svo svíður undan, oft í hálfan til einn sólarhring. Ég hafði hugsað mér að fá mér orkudrykk á 30 mínútna fresti og þá hentu hjálparmenn mínir til mín “skvísu” í bandi svo ég gæti drukkið. Mér gekk illa að eiga við skvísuna og meirihlutinn fór í sjóinn. Eftir tæpar 2 klst. hugsaði ég að ég gæti alveg klárað þetta sund, því ég fann ekki fyrir þreytu, sjónin skýr, enginn hökuskjálfti og litli fingur bara eðlilegur. Það eina sem var ekki í lagi var að ég náði ekki að drekka mikið af orkudrykkjunum sem kastað var til mín. Korteri síðar, þegar ég fékk orkudrykk, þá lenti ég í basli og var hætt að geta talað. Eina merkið sem ég gat gefið var að halda í skvísuna og dróst þá örlítið með bátnum og sleppti takinu. Ég held ég hafi reynt að synda aðeins eftir það til að tapa ekki bátnum. Ég man eftir því að þarna var ég farin að andvarpa á sundi, sem hefur aldrei gerst áður. Eftir þetta er um klukkustundar óminni (blackout) hjá mér. Aðstoðarmenn mínir á bátnum sáu stjarfa í augunum á mér, sundið var orðið stefnulítið og virtist þeim eins og ég væri ekki áttuð. Bökkuðu þeir þá til mín og sögðu mér að grípa í fótstig aftan á bátnum. Ég gat það ekki þó það væri við hendina á mér. Á þessum tíma hefði ég geta sokkið orðalaust í hafið. VIÐ GETUM EKKI TREYST ÞVÍ AÐ VIÐ FÁUM VIÐVÖRUN ÁÐUR EN VIÐ SÖKKVUM! Í svona sundi þarf að vera aðstoðarmaður sem getur stokkið út í sjó til að bjarga sundmanni ef hann er kominn í þetta ástand, þó svo að þeir hafi sloppið við það í þetta sinn. Þeir gripu í mig og héldu mér þar til gúmmíbáturinn kom til að pikka mig upp. Heimir stökk í gúmmíbátinn og ég var dregin upp í hann og lá hálf ofan á og hálf undir bróður mínum á leið í land. Það tók ekki nema 5 mínútur að bruna með mig í land og Heimir hélt höfðinu á mér til þess að það skelltist ekki í botninn á bátnum. Ég var borin að Grettislaug þar sem mér var komið rólega ofan í laugina og höfðinu haldið uppi. Þar hlúðu þær Ingibjörg og Birna Hrönn að mér. Einar og Heimir tóku þá ákvörðun að hringja í 112 til öryggis, því ég var enn með stjarfa í augunum og vitrtist illa áttuð. Það var ekki fyrr en sjúkrabíllinn var kominn að ég kom til baka úr óminninu og var fljót að jafna mig eftir það. Ég gleymi að segja frá því að áður en ég var sett varlega ofan í pottinn, þá var búið að reyna að koma ofan í mig volgu kakói sem ég var með á brúsa. Fyrst var ég látin sitja með fæturna ofan í pottinum í góðan tíma á meðan heitu blautu handklæði var strokið varlega yfir þann hluta sem var ekki ofan í pottinum. Mér var ekki skellt beint ofan í pottinn, heldur var þetta gert mjög rólega og stöðugt reynt að koma volgum vökva ofan í mig á meðan. Ykkur til skemmtunar get ég sagt frá því að þegar ég kom til sjálfrar mín þá sá ég að Ingibjörg var komin í Grettislaug. Ég hugsaði, hva, kláraði ég sundið? Því við hefðum átt að vera á svipuðum tíma. En svo sá ég að Aðalsteinn var ekki kominn og ég spyr hvar hann sé. Hann er enn að synda, og búinn að synda í rúma 3 tíma! Þá segi ég, hva, er ég nú farin að synda hraðar en Alli? og hló, greinilega komin til sjálfrar mín. Það var þá sem ég vissi að það var eitthvað bogið við þetta allt saman 🙂 Þessi háski reyndi meira á aðstandendur en sundmann 😢 Ég fæ seint fullþakkað þeim sem komu að þessu sundi <3

Drangeyjarsundið var lærdómsríkt, sjá frétt hér.

Sjávarhiti 8,7°
* Formlegt sund miðast við að vera aðeins í venjulegum sundfötum með hettu og gleraugu, engar blöðkur eða annar búnaður.

Synt út að dælustöð – 2 km

Synti með Sigrúnu.

Synt út að dælustöð – 2 km

Synti með Alla.

Swim Run – 4 km

Gengið frá Nauthólsvík yfir í Kópavog, og synt til baka.

Brúsastaðir – 1,2 km

Gallasund í 4° heitum sjónum,lofthiti 3°. Pabbi mætti með mér og tók nokkrar myndir.
Synti með Önnu, Birnu, Ernu, Ingu Helgu, Alla, Magnúsi og Valda.

Synt undir ís

22 metrar í 0° heitu Hafravatni! (5 metrar, 6 metrar, 6 metrar og 5 metrar)
Það má segja að ég sé komin í form núna  . . . þrjú form 
Mér leið eins og ég væri hafmeyja sem gæti náð í súrefni þó ég væri ofan í vatninu 

Gallasund við Brúsastaði – 1,4 km

Með Magnúsi og Ernu í blíðskaparveðri.

Swim Run – 3,7 km

Fullkomið sund í morgunsólarupprás. Við lögðum af stað kl. 4:50 og syntum í átt að ljósinu fyrir Píeta, fyrir Tryggva bróður Ernu, fyrir vináttuna og alla þá sem eiga erfitt og þarfnast hjálpar.
Traustur vinur getur gert kraftaverk!
Erna, Magnea og Magnús.

Gengið inn að flaki og synt til baka – 1,1 km

Synti með Birnu, Ernu og Sveinbirni.

Synt inn að flaki – 2,2 km

Synti með Öggu, Alla, Birnu, Ernu og Magnúsi.

Synt inn að flaki – 2,2 km

Synti með Magnúsi.

Synt í þríhyrning í Fossvoginum – 2,1 km

Synti með Skúla.

Synt hring í Fossvoginum – 4,7 km

Við tókum rúmlega 2ja tíma sund í dag. Það var örlítið kaldara sunnan megin í Fossvoginum og ég var komin með smá hökuskjálfta þegar 70 mínútur voru eftir. Þá var gott að stinga höfðinu bara ofan í sjóinn og halda áfram að synda. Yfirborð sjávar var yfirleitt heitara en sjórinn á næstu hæð fyrir neðan. Þetta sund var óvenjulegt að því leiti að við vorum þrjú sem syntum á hnífjöfnum hraða

Bárurnar 2ja tíma vottunarsund – 3,4 km

Ég var varamanneskja hjá Bárunum sem syntu Ermarsundið vorið 2022 og synti vottunarsundið með þeim í dag.

Synt inn að flaki – 2,5 km

Synt inn að flaki.

Synt inn að flaki – 2,2 km

Synt inn að flaki.

Sæunnarsund – 2,5 km

Synt í “klaufspor” kýrinnar Sæunnar sem synti frá Flateyri yfir í Valþjófsdal. Sundið hennar hófst við Flateyrarodda og komið í land við Sæunnarlaug í fjörunni við Valþjófsdal. En við syntum frá Valþjólfsdal yfir að Flateyrarodda.

Garpaæfing – tímamælingar

Tímamælingar:
50m skriðsund á 60 sek.
200m skriðsund (fyrri 100m á 2min15sek, seinni 100m á 2min)
200m skriðsund (fyrri 100m á 2min8sek, seinni 100 á 2min2sek)

Synt undir ís

Hvað er betra en að skella sér í ískalt bað eftir 16 km skíðagöngu? Við Erna ætluðum bara að koma við hjá félögum Ice Tribe Iceland og fylgjast með, en einhverra hluta vegna vorum við samt báðar í sundbol . . . svo við skelltum okkur líka. Það er dálítið gott trix að hugsa sér að maður sé bara að koma og horfa á, því venjulega líður manni eins og maður þurfi á klósettið áður en maður gerir eitthvað svona! Ég held það sé vegna spennu og kannski smá kvíða, en ef maður ætlar ekki að syna þá sleppur maður við kvíðann. Það var John sem kenndi okkur þetta trix . . . hann er sko galdramaður. Takk fyrir gleðina.

26.02.2022 Sundlaug

2svar sinnum 1 klst. sund – Bárurnar

Tímataka:
1. sundið: Pace 2:30
2. sundið: Pace 2:40

Synt frá smábátahöfninni í Kópavogi yfir í Nauthólsvík – 2,7 km

Það var gaman að synda fram hjá Sky Lagoon og veifa gestum þar.
Ég synti með Öggu, Birnu, Corinnu, Kath og Magnúsi. Erna fylgdi okkur á SUP bretti.

Synt inn að flaki – 2,2 km

Synt inn að flaki.

Helgasund á Akranesi – 900 m

Myndir frá Birnu
Myndir frá Laufeyju

Synt frá Sundskálavík til Ylstrandarinnar – 3,8 km

Sjö saman syntum við frá Sundskálavík til Ylstrandarinnar í Nauthólsvík.
Nokkur okkar ákváðu að synda blöðkulaus til að gæðastundin entist lengur
Synti með Öggu, Alla, Birnu, Ernu, Laufeyju og Magnúsi.

Synt út að dælustöð – 2,6 km

Engar blöðkur. Synti með Ernu, Magnúsi, Skúla og Valda.

Synt inn að flaki – 2,4 km

Engar blöðkur. Synti með Ernu, Magnúsi og Skúla.

Synt út að dælustöð – 2,3 km

Engar blöðkur. Synti með Birnu, Ernu, Kath, Skúla og Viðari.